Arctic Business Network Kalaallit Nunaanniit Qallunaat Nunaanniillu suliffeqarfinnut 50-inut attaveqaqatigiiffiuvoq. Issittumi isorartuumi Atlantikup avannarpasissuanilu kattuffiit suliffeqarfiillu immikkut ilisimasaqartuullutik suliaqartuupput – ilaat ukiut 40-ut sinnerlugit.
Attaveqaqatigiiffiup suliffeqarfiit ilaasortaasut suliffeqarfiminnik nioqqutiminnillu nittarsarneqarnissaannut siammarsarneqarnissaannullu periarfissippai. Suliffeqarfiillu immikkut ilisimasaminnik attaveqaqatigiiffimmut aamma tunniussisarlutik:
• Ilisimasanik avitseqatigiinneq • Suleqateqarneq attaveqaqatigiinnerlu • Nutaarsiassat Aaqqissuussallu • Isumassarsiassanik avitseqatigiinneq • Suliffeqarfimmik inerisaaneq • Issittumi piginnaasat inerisarneri
Sooq attaveqaqatigiinneq?
Issittumi suliffeqarfeqaraanni unammillernartoqarsinnaasarpoq, kisianni nunami sumiissuseq akornutaaginnartariaqanngilaq.
Unammillernartummi aamma annertusiartornermut, ilisimasanut atugarissaassusermullu pilersitsisinnaalluarput. Taakkulu Arctic Business Networkimut toqqammaviullutik – suliffeqarfiit attaveqaqatigiinneq nukittuumik toqqammavigalugu suleqatigiipput issittumi inuiaqatigiiffiusuni Kalaallit Nunaanni Atlantikup avannarliani inerisarnissaq annertusarnissarlu siunertaralugit.
Ullumikkut Arctic Business Network iluani suliffeqarfiit 50-it immikkut ilisimasaminnik, isumassarsiassanillu avitseqatigiipput. Tassanilu siunertaavoq suliffeqarfiit Atlantikup imartaaniittut sukumiisumik suleqatigiinnikkut iluaqusernissai. Attaveqaqatigiiffillu ammavoq siunertarisamut peqataalernissamut soqutiginnittunut tamanut. Arlaannik peqarpugut suliffeqarfinnut tunniussinnaasatsinnik, taamalilluta suleqataanikkut issittumi ineriartornermut peqataasinnaalerluta tunniussisinnaalerlutalu.
Arctic Business Networkimut ilaasortat amerlanersaat Qallunaat Nunaanneersuupput Kalaallillu Nunaanneersuullutik, taamaakkaluartoq attaveqaqatigiiffik piumasaqaateqanngilaq suminngaanniissuseq apeqqutaassasoq.
ILAASORTAT NUTAAT
Kosmos Technology A/S
Invest in Aalborg