Ilaasortat

ABN-ip sulissutigivai suliffeqarfinnut periarfissat nutaat, ilisimasanik katersineq nutaamillu suliffeqarfinnik suleqateqalernissamik aqqutissiuussineq. Tamannalu takuneqarsinnaavoq ABN-ip ilaasortarisaanni, suliffeqarfiimmi ilaasortaasut tunuliaqutaat assigiinngitsuninnganneersuupput. Soorlu suliffeqarfissuit, atorfeqarfissuit kattuffeqarfissuillu. Tamarmillu suliaat issittumut/Atlantikup avannarlianut/Kalaallit Nunaannut attuumassuteqarlutik.

ABN-ip suliffeqarfissuit arlallit sinnerlugit sulivoq – pilersuinermi, sanaartornermik suliffeqarfissuarni, angallannikkut atortussat nassiunnissaanut piareersaanermi aqutsinermilu, siunnersortini/konsulentini, niuernermi kiffartuussinermullu immikkoortortaqarfimmi, attaveqaateqarnermik suliffeqarfimmi, avammut paasititsiniaavimmi nioqqutissanillu nittarsaanermut suliniutilinnut, aammattaaq ilinniarnermut pikkorissarnermullu sullissisut peqatigalugit suleqataalluni.

ABN aamma soqutiginnitseqarluarpoq Kalaallit Nunaanniit Qallunaallu Nunaanniillu. Soorlu ilisimatusarfiit, suliffeqarfinnut siunnersuisoqarfiit ataatsimoortarfiillu, kommuunit allallu kattuffeqarfissuit.

Misissukkat naapertorlugit suliffeqarfik ABN-imi ilaasortaq patajaalluni akuulluartoq pissarsilluarnerusarpoq

Arctic Business Networkimi ilaasortatut attaveqaqatigiiffiup ataatsimiisitsineranut naapitsitsinerinut tamanut peqataasinnaalissaatit. Aammattaaq peqataasalernissannut periarfissaqalissallutit ABN-ip attaveqaqatigiiffiata immikkoortuinut. Pingaartipparput suliffeqarfiup aaliangersimasup ineriartornissaata annertusarnissaatalu periarfissaanik aqqutissiueqataassalluta. ABN-ip neqeroorutigai massakkut sammineqartut aallaavigalugit naapeqatigiinnerit, seminarit ataatsimeersuaqatigiinnerit, ilinniarnermut atatillugu angalanerit, kiisalu issittumi aaqqissuussanut suliniutinullu annertuunut mikisunullu ingerlataqartunut aqqutissiueqataallutik.

Attaveqaqatigiinneq aqqutigalugu ilisimasat nutaajunerpaat pissarsiarisinnaalissavatit. Soorlu issittumi suliffeqarfinni ileqqut nutaat, attaveqaqatigiiffiup nutaarsiassaataat, attaveqaqatigiiffiullu ilisimasassarsiortut ilisimatuullu siuttut immikkut ilisimasaannik aallerfigisarnerisigut.

Pingaarnerpaatullu Arctic Business Network ingerlaavartumik attaveqaqatigiiffiuvoq immikkut ilisimasanik avitseqatigiiffigisinnaasat suliffeqarfinnillu nutaamik attaveqaqateqalerfigisinnaasat. Illit nammineq attaveqaqatigiiffik aqqutigalugu issittumi suliniutippit ineriartortinnissaanut, aningaasaliinissamut inaarsarnissaanullu avitseqateqarsinnaalissallutit.

ABN neqerooruteqarpoq toqqaannartumik attaveqaatikkut naapinnernut aaqqissuussanullu peqataanissamut. Nalunaaraanni aaqqissuussamut peqataaniarluni link-imik nassiussisoqartarpoq.

Toqqaannartumik attaveqaatikkut peqataaneq timitaliinermik naapinnermut taarserneqarsinnaanngitsoq ilisimavarput- kisianni periarfissanitsitsivoq ilaasortanut najuussinnaanngitsunut peqataasinnaalersitsilluni. Toqqaannartumik attaveqaatikkut peqataaneq periarfissaqartitsivoq immikkut ilisimasanik avitseqatigiinnissamut oqalliseqataanissamullu attaveqaqatigisanut akuusinnaanngortitsilluni. Aammattaaq suliffeqarfippit ineriartortinnissaanut isumassarsioqatigiinnissamut periarfissiilluni.

Ukiumut akiliut moms ilanngunnagu.

Suliffeqarfissuit, pisortaqarfiit assigisailu 50-it sinnerlugit sulisullit ukiumut akiliutaat DKK. 27,500.00.